لما يضيق الكون قدامك
وتصبح مخنوقة احلامك
وتعيش فى سواد ايامك
وتزيد جواك آلامك
تمشى طريقك بفكر شريد
جواك حزن و هم يزيد
وتلاقى فرحة واقفة بعيد
تقرب_ تلقى سراب_ تبقى وحيد
تركب مركبك الحيران
تمشى فى بحر من الاحزان
توهم نفسك بالنسيان
فجأة تلاقى نفسك غرقان
وغريب عن نفسك عن حالك
مش عارف ايه اللى جرالك
مش لاقى جواب لسؤالك
كل شئ فاق احتمالك
نفسك تشكى فى حضن حبيب
حد يكون م القلب قريب
وشمس حياتك تشرق ما تغيب
م الفرح يكون ليك نصيب
نفسك تنسى عذاب اهاتك
و متبقاش مخنوقة كلماتك
تنسى اللى عدى وفاتك
وتعود البسمة لحياتك
فتعود البسمة لثوانى
بعدها تانى م الحزن تعانى
اه م الحزن احساس انانى
كلمة بسيطة وليها معانى
اولهم محروم م الفرحة
وتانيهم ايامك جارحة
او شجرة للدمع طارحة
والبسمة ناسياك وسارحة
تاريخ التسجيل
العمل/الترفيه
المزاج
موضوع: الحزن_ احساس _ انانى 
الإثنين أبريل 18, 2011 4:58 pm
