موضوع: قل ( لا ) للتعديلات الدستورية السبت مارس 19, 2011 8:20 am
انا مصدوم جدا من اللى شوفته النهارده .. انا سبق وعملت موضوع استفتاء .. وطرحته للمناقشه بين الناس .. مقولتش فيه وجهة نظرى الشخصية عشان مبقاش بضغط او بمارس سلطه على حد .. بس الوضع اللى شوفته مش ممكن وميتسكتش عليه .. النهارده قعدت وسمعت كذا حد من الاخوان المسلمون .. واتصدمت من اللى سمعته .. بيخيرونا ما بين الموافقه على التعديلات .. وما بين الغاء المادة التانيه من الدستور اللى بتقول ان الاسلام دين الدولة.. وده رجع ذاكرتى لما مبارك خيرنا بينه وبين الفوضى من بعده .. وده شئ لم اكن اتوقعه بالمره من الاخوان .. الاخوان بيمارسوا وصايتهم على الشعب .. وبيلفوا فى كل مكان وكل مسجد يقولوا التصويت بنعم واجب دينى واخدين الدين مبرر يقنعوا الناس بيه .. مين افتى عليهم بالفتوه دى ؟؟.. الاخوان حطوا على الموقع الرسمى بتاعهم ان اللى بيقولوا لا ( مدعومين بأجنده امريكية ) .. والتعليق ده فضل ساعه واتشال بعد اعتراض الناس عليه .. ومصدر الخبر جريدة المصرى اليوم .. http://www.almasryalyoum.com/node/361794
يا جماعه حد يقولى .. احنا رجعنا للحزب الوطنى تانى ؟؟ لا كده مش ممكن .. كده فيه حاجه غلط .. انتم مين بالظبط؟ الاخوان دلوقتى بيقولوا للناس لو قولتوا لا الجيش هيمسك البلد وهيطبق الاحكام العرفية ومفيش دستور هيتعمل.. دى سكرين لحوار عملته الجمهورية يوم 17-3 مع اللواء اركان حرب اسماعيل عتمان عضو المجلس العسكرى الاعلى بيأكد وبيوضح ان مفيش اى مشاكل لو حصل رفض .. يبقى بتخوفونا ليه ؟؟ خايفين على الماده التانيه من الدستور ؟؟ شيخ الازهر والمفتى الاتنين قالوا ان الماده التانية لا مساس بها فى اى حال من الاحوال .. والشعب مش هيسمح بالمساس بيها .. وازاى بتقولوا كده وفيه دستور جديد هيتعمل فى كل الاحوال .. يعنى مش معنى اننا قولنا اه دلوقتى يبقى خلاص انتم ليه عايزينا نقول نعم اوى كده ؟ انتم مش كنتم معانا فى الثوره وكان من اول مطالبنا اسقاط الدستور النهارده قبل بكره وكنتم معانا وموافقين .. ليه غيرتم رأيكم دلوقتى؟ عشان الوقت مش فى صالحكم ؟؟ ولو اتاجلت الانتخابات فيه ناس ممكن تظهر على حسابكم؟ عشان لما الدستور الجديد يتعمل يبقى معمول تحت وصايتكم فى مجلس الشعب؟؟
للاسف انا كنت بحترم الاخوان وبثق الى حد ما فيهم .. بس دلوقتى بقى بالنسبالى الاخوان المسلمون علامة استفهام كبيرة اوى .. خسارة بجد
قضى الامر الذى فيه تستفتيان ..
لا للتعديلات الدستورية
qamarain رتـبـة الـعـضـو
الجنس :
عدد المساهمات : 44
تاريخ التسجيل : 28/03/2011
العمر : 42 العمل/الترفيه : صيانة موبايل
المزاج : عادي
موضوع: رد: قل ( لا ) للتعديلات الدستورية الجمعة أبريل 15, 2011 8:38 am
تاريخ التسجيل
العمل/الترفيه
المزاج
موضوع: قل ( لا ) للتعديلات الدستورية 
السبت مارس 19, 2011 8:20 am
