يمه يفدونك اللي على الارض يمشون

يمـه ترى ماباقـي شـيء بالكـون
عندي يساوي دمعتـك يـوم تبكيـن


يمـه يفدونك اللي على الأرض يمشون
يفدون دمعك وان تحدر مـن العيـن


يامدرسة عمري لك العمر مرهـون
لآخر دقيقـة فـي حياتـي تمونيـن

ياما تحملتي علـى شانـي ظنـون
وياما ندهتيني وانـا فيـك مفتـون


وياما سمعت اسمي بصوتك تناديـن
وياما حضنتينـي وانـا طفـل امـون


وياما سهرتي ليل عنـدي تنوحيـن
وياما ذرفتي دمعتـك حـب وجنـون


خوف علي من الخطر يـوم تدعيـن
يمـه تراك أغلى مـن الـي يحبـون


وأغلى على روحي من أغلى المحبين
الله يقدرنـي علـى كـل مسـنـون


وأوفيك حقك قبـل عنـي تروحــيـن
ليت الزمن دايم على كيفـي يكـون


كل الحيـاة ومابهــــــا لجلـك تهـون
ماعادلت عندي من أظفـارك اثنيـن